MVUA YAACHA KILIO TANGA

By -

Nyumba zaidi ya 300 zimezama na maji baada ya kukumbwa na mafuriko katika Kata ya Magaoni, hivyo kusababisha wakazi wake kuhama makazi yao.

Tukio lilo lilitokea usiku wa kuamkia jana majira ya saa 7:00 usiku 
baada ya mvua kubwa kunyesha usiku kucha.

Mwenyekiti wa Kata ya Magaoni, Kassim Abdallah, ambaye pia nyumba yake 
imezama, alisema kuwa mvua iliyonyesha usiku wakuamkia jana,
imeacha hasara kubwa kwa wakazi wa kata hiyo kutokana na kuzingirwa na maji, huku mali mbalimbali zikiharibika.


Alisema mvua hiyo ilianza kunyesha wakati huo mpaka saa 2:00 asubuhi, hivyo kusababisha idadi kubwa ya wananchi kukosa mahali pa kuishi, hivyo kuhamia katika shule na wengine kuhifadhiwa kwa ndugu na jamaa zao.


Abdallah alisema kata hiyo ni mpya kwa kuwa mwanzo ilikuwa sehemu ya kata ya Mabawa kabla ya kugawanywa.

Alisema sababu kubwa ya mafuriko hayo ni kukosekana kwa mifereji ya kutosha, hivyo kushindwa kuruhusu maji kutiririka kwa urahisi.



Mwenyekiti huyo alisema Diwani wa Kata hiyo, 
Mohamed Rajabu, baada ya kuchaguliwa mwaka 2015 alijitahidi kuhakikisha mifereji inajengwa lakini iliyopo haitoshelezi mahitaji ndiyo maana imekuwa rahisi kutokea mafuriko.


Kutokana na athari hiyo, aliiomba Halmashauri ya Jiji la Tanga kutenga fedha kwa
ajili ya mifereji, vinginevyo maafa yanaweza kuwa makubwa zaidi.

Naye Diwani Rajabu alisema mvua hiyo imesababisha 
mafuriko makubwa na kwamba mpaka sasa wananchi hawana mahali
pa kuishi na wamezikimbia nyumba zao huku vyombo vyote vikiwa vimeharibika.



Alisema kuwa ili kuondoa tatizo hilo, alisema ni lazima Halmashauri
ya Jiji la Tanga ipange bajeti kwa ajili ya kutengeneza mifereji ya
kupitisha maji katika kata hiyo, vinginevyo kunawezekana kutokea maafa makubwa
 zaidi.

Comments

Post a Comment

Popular posts from this blog

Wanakijiji watishia kumburuza kortini DC

By -
Image
Wanakijiji watishia kumburuza kortini DC Na Upendo Mosha-Moshi MKUU wa Wilaya ya Moshi mkoani Kilimanjaro, Kippi Warioba, ametuhumiwa na wananchiwa Kijiji cha Chekereni Weruweru, Kata ya Kindi kuvamia na kuvunja ofisi ya kijijihicho na kuchukua nyaraka mbalimbali. Kutokanana hali hiyo wananchi hao wametishia kumfikisha mahakamani kwa madai ya kuvunja kufuli la ofisi ya kijiji na kuchukua nyaraka hizo. Mwenyekiti wa kijiji hicho, John Bosco, aliyasema hayo katika mkutano wa hadhara uliofanyika jana kijijini hapo. Bosco alisema kiongozi huyo amekuwa ni sehemu ya kuchochea migogoro na kwamba hawapotayari kuchonganishwa bali watafuata sheria. Alisema mgogoro huo ulianza baada ya mkuu huyo wa wilaya, kutumia nguvu nakuwanyang’anya kijiji ofisi yake na kukipa Chama Cha Mapinduzi (CCM) jambo ambalo ndio chanzo cha mgogoro huo. “Tunataka mahakama itafsiri kuwa ofisi ya Kijiji cha Chekereni Weruweru ni mali ya Serikaliya kijiji au CCM… mk...
ENDELEA KUSOMA ZAID »

Waziri Mkuu aibana kampuni inayodaiwa bil 2.9

By -
Image
Waziri Mkuu, Kassim Majaliwa ameziagiza kampuni zote zinazosambaza nguzo za umeme kulipa ushuru wa halmashauri wanakotoa nguzo hizo amboa ni asilimia tano ya gharama ya kila nguzo kama ilivyoelekezwa na Sheria ya Fedha za Serikali za Mitaa. Waziri Mkuu, Kassim Majaliwa Ametoa agizo hilo jana Jumatatu, Januari 7, 2019 baada ya kupata taarifa kuhusu kampuni ya New Forest ambayo inamkataba na TANESCO wa kusambaza nguzo za umeme, kukaidi kulipa ushuru wa asilimia tano ya gharama ya kila nguzo. Ushuru huo umefikia sh. bilioni 2.9 hali iliyopelekea uongozi wa mkoa kuzuia nguzo hizo zisitoke. Wiki iliyopita akiwa katika ziara ya mkoa Ruvuma, Waziri Mkuu alipokea malalamiko kuhusu mkoa wa Iringa kuzuia kusambazwa kwa nguzo za umeme ndipo alipoamua kuwaita Mkuu wa Mkoa wa Iringa, Ally Happi pamoja na wakuu wa wilaya, wakurugenzi pamoja na wenyeviti wa halmashauri wanaotoka katika wilaya zinazozalisha nguzo. Viongozi wengine waliohudhuria kikao hicho ni...
ENDELEA KUSOMA ZAID »

Makonda anusurika mtego wa JPM

By -
Image
MKUU wa Mkoa wa Dar es Salaam, Paul Makonda ameukwepa mtego wa Rais Dk. John Magufuli kuhusu hatima ya ufukwe wa Coco. Hatua hiyo inatokana na uamuzi wake wa kuanza kueleza mikakati itakayofanyika, ikiwamo kuundeleza ufukwe huo sambamba na kujenga mabanda kwa wafanyabiashara na vyoo vya kisasa. Kutokana na maelezo hayo ya utangulizi, Rais Magufuli alisema amemkwepa kwa kumuwahi kwani ilikuwa kuna uamuzi mgumu dhidi yake. Alisema ufukwe huo wa Coco unatia aibu kwa sababu hakuna hata choo hali ya kuwa mapato yanakusanywa kila siku. Mkuu huyo wa nchi alitoa kauli hiyo jana Dar es Salaam, wakati wa uwekaji wa jiwe la msingi la ujenzi wa daraja la kisasa la Selander ambalo linapita baharini. “Nimefurahi maneno ya RC (Mkuu wa Mkoa wa Dar es Salaam, Paul Makonda) kuwa wataboresha pale Coco Beach kuliko kukaa vile kwa sababu panatia aibu kwa jiji kama la Dar es Salaam. “Eneo lile halina hata choo, ni lazima tuzizungumze aibu, lakini wanakusanya mapato kila ...
ENDELEA KUSOMA ZAID »